Government Of Nepal

Ministry of Agriculture and Livestock Development

Department of Agriculture

Hariharbhawan, Lalitpur

Farmer's Name: Sudarshan Panta

Address:Archale,Rainadevi-1,Palpa

स्नातक तह सम्म अध्ययन गरेका वर्ष २८ का अर्चले, रैनादेवी-१, पाल्पा निवासी सुदर्शन पन्त, एक सफल कृषि उद्यमी हुन् । वि.सं. २०६९/०८/२९ मा ६० रोपनी भिरालो जग्गामा (३५ रोपनी आफ्नै र २५ रोपनी लिजमा) एभर ग्रीन एग्रो फार्म स्थापना गरेका सुदर्शनले कृषि मै लगानी बिस्तार गर्ने उद्देश्यले लगानीको श्रोत जुटाउनको लागि वि.सं. २०७२ सालमा साउदी अरब गएका थिए । जहाँ उनले ६ महिनाको लागि लेखा सम्बन्धि काम गरे । पहिले देखि नै कृषि पेशा अपनाई रहेको, तर सहि प्रविधि बारे जानकारी नभएको र लगानीको पनि अभाव भएकोले विदेशिन बाध्य भएका अर्जुनले मासिक रु. १.२५ लाख तलव हुँदाहुँदै पनि आफ्नै देश फर्केर आए । कलेज पढ्ने समयमा महँगोमा तरकारी किन्नु पर्दा, पछी आफै तरकारी खेति गर्ने संकल्प लिएका थिए । विदेशी भुमीमा बस्दा पनि उनमा यो भावना रही रह्यो र नेपाल मै बसी कृषि पेशामा लाग्ने अठोट झन् प्रवल भएर आयो, जस कारण उनले नेपाल आई आफैले विभिन्न तालिम लिए र कृषि व्यवसाय सुरु गरे । 

भारतको महाराष्ट्रमा स्व-लागनीमा कृषि सम्बन्धि ३ महिने तालिम लिएको तथा विभिन्न भ्रमण तथा अध्ययन गरि आफ्नो क्षमता वृद्धि गरेका सुदर्शन हाल एक नमुना कृषकको रुपमा परिचित छन् । उनले बजारको अध्ययन गरि निश्चित बाली जस्तै भेंडे खुर्सानी, करेला, काक्रो र कागती मात्रै खेती गरेका छन् । भेंडे खुर्सानी  ३८ रोपनी, करेला १० रोपनी, काँक्रा ५ रोपनी तथा कागती ५ रोपनीमा लगाएका अर्जुनले सिंचाईको लागि लिफ्ट प्रविधि अपनाएका छन् र थोपा सिंचाई प्रविधिको प्रयोग गरेका छन् भने छापोको पनि प्रयोग गरेका छन् । प्याकेजिंग तथा ग्रेडिंग गरेर विक्रि गर्ने गरेको र स्थानीय बजारमा भन्दा पनि बुटवल, पोखरा तथा चितवनका मन्डीहरु सम्पर्क गरि दिनहुँ तरकारी आपूर्ति गर्दा राम्रो फाइदा भैरहेको उनी बताउँछन् । कुल ८५ लाख मध्ये २० लाख ५% ब्याजदरमा कृषि विकाश बैंकबाट ऋण, आफन्तबाट १५ लाख सहयोग लिई, ४० लाख स्व-लागानी गरेका अर्जुनले प्रदेश नं. ५ बाट २७.५४ लाख पर्ने एन्टी हेल नेट स्ट्रक्चरको लागि १० लाख अनुदान पनि पाइसकेका छन् । विगतका सालमा असिनाले ठूलो क्षति भएकोले यसबाट धेरै राहत भएको उनी बताउन्छन् । तरकारी ढुवानीको लागि सहज होस् भनेर आफ्नै पहलमा उनले रोपवे पनि बनाउदै छन् । हाल उनले १६० मिटर स्क्वायरको ग्रीन नेट हाउसमा ट्रायल पनि गरिरहेका छन् । समस्याका रुपमा खेतीका लागि अत्यावस्यक लिक्विड फर्टिलाइजर, खेती गरिरहेको हाईब्रिड बीउ सुचिकृत नभएको, जसले गर्दा बाली बीमा गर्न नसकिएको र प्राविधिक समस्या आइपर्दा समाधान पाउन नसकिएको उनी बताउँछन् । उनको मिहिनेत तथा लगनशिलता देख्दा आँटे के हुँदैन र भन्ने स्पष्ट देखिन्छ जसबाट अरु जो कोहीलाई थप उर्जा मिल्छ ।

Recent News

धानको उन्‍नत बीउ उत्पादनमा प्रोत्साहन तथा उन्‍नत बीउ बिजन प्रयोगमा मुल्य अनुदान कार्यक्रमका लगि अन्लाइन आवेदन तथा माग, आपूर्ति विवरण प्रविष्ट गर्ने म्याद थप सम्वन्धी सुचना
आवेदन पेश गर्ने सम्बन्धी सूचना।
धानको उन्‍नत बीउ उत्पादनमा प्रोत्साहन तथा उन्‍नत बीउ बिजन प्रयोगमा मुल्य अनुदान कार्यक्रमका लगि अन्लाइन आवेदन तथा माग, आपूर्ति विवरण प्रविष्ट गर्ने सम्वन्धी अत्यन्त जरूरी सूचना
जिन्सी मालसामानको लिलाम बढाबढ गरी बिक्री गर्ने सम्बन्धी बोलपत्र आव्हानको सूचना
मकैको उन्नत बीउको उपभोगमा मूल्य अनुदान कार्यक्रम सम्बन्धमा
११ ‌‍औं बिश्‍व माटो दिवस २०८१ (Dec 5 2024) को नारा ("Caring for Soils: Measure, Monitor, Manage")
४४ औँ विश्व खाद्य दिवस २०८१ को उपलक्ष्यमा विभिन्न विधाबाट पुरस्कृत कृषक तथा व्यवसायीहरु

Contact Info

Department of Agriculture

Hariharbhawan, Lalitpur, Nepal

Phone : 015421323, 015521356, 015424226

Audio Notice Board: 1618-01-5521356

Email: doa.agri2014@gmail.com

WEB : www.doanepal.gov.np

Site Visited

logo creation
site visit

  सूचना अधिकारी

तिलकराज चौंलागाई

तिलकराज चौंलागाई


वरिष्ठ कृषि अर्थ विज्ञ
☎९८५१३१००३३
✉tilak034@gmail.com

We Are Here